Tengah berami enggau Temenggung Ang ngerami Taun Baru Cina

LIMBANG: Pengerami ngintu Taun Baru Cina ba pelilih menua tu besai endar reti enggau penatai Menteri Pengatur Pemansang enggau Pemansut Pengeraja Asal Kedua, Datuk Amar Awang Tengah Ali Hasan enggau bini iya Datuk Morliah Datuk Awang Daud ditu apin lama ti udah.

Awang Tengah enggau bini iya udah ngabang ngagai rumah Ketuai Raban Bansa Cina Temenggung Ang Kheng Su ba Genturung Pendiau Batu Biah ditu. Kelimpah ari ti makai besai, bala temuai ti dipebasaka mega dipinta enggau melah kek kelai penyerakup sereta kaul ti rapit entara sida.

Pengawa ngabang maya pengerami Taun Baru Cina udah lama dikemeranka ba pelilih menua nya ninting taun.

Sama bisi ngulu pengawa nya, Kaban Parlimen Limbang Hasbi Habibollah, Kaban Parlimen Lawas, Datuk Henry Sum Agung,Kaban Kunsil Nengeri (ADUN) Bukit Kota, Dr Abdul Rahman Ismail, ADUN Batu Danau Paulus Palu Gumbang, Residen Limbang Maria Hasman enggau bala tuai-tuai raban bansa sereta opis perintah.

Borneo Post on February 20, 2011, Sunday

Posted by Lawasian on Isnin, Februari 21, 2011. Filed under Sosial . You can follow any responses to this entry through the RSS 2.0. You can leave a response or trackback to this entry